孩忙期的la-ji-ooh｜今年誠實有農忙期矣

阿冠碎碎唸回憶紀念 2024-12-31

雖罔用台文寫文章比華文加幾仔倍的時間（閣有誠濟朋友看無），啊兩冬前頭攏洗落去矣，未來生活文會繼續練習寫台文做紀錄。

阿冠留言板：我們還在孩忙期，再等幾年才能回歸喔！文章裡湖水綠色的文字都是連結可以點來看看喔！

今年，時間過了足緊，連囡仔嘛按呢感覺。

規家伙仔無閒看厝、款包仔、搬厝、款厝內、整田作穡，短時間搬兩改厝，實在世界忝的；毋閣辛苦有價值，總算來到閣較倚近阮理想生活藍圖的所在。

這站仔毋但逐工攏是孩忙期，閣有真正的農忙期。

今年天氣足怪奇，含11月嘛有風颱，所致蠓蟲微生物生態予舞甲離離落落，鳥仔沒物件通食，只好食菜。3、40欉高麗菜栽攏予鳥仔食了了，連萵苣攏食去，只好搝網仔較穩當。

囡仔足佮意食刺莓，向望今年嘛會當收濟濟的刺莓，予大人囡仔食甲攏歡喜。

紲落來紀錄兩个阿冠足認同嘛一直囥佇心內鼓勵家己堅持落去的生活理念佮教養理念，分享予逐家。

不用說服眾人。有志同道合者，就一起做，

呼朋引伴，別化敵為友。

改變腦子的事，都是時代的事，

一點一滴做就是了。

－－大王菜舖子大王

阮的人生理念佇現實生活中無kái好揣到仝路的朋友，誠慣習家己佮老潘作伙堅持練習。改變別人傷困難嘛無彼咧必要，咱愛做的是好好仔生活，我相信緣份若到，宇宙自然就會安排好勢，彼咧時陣需要的就毋是改變別人，是互相鬥相共、做伙成長，共時間做上好的利用。

出處：

阿冠看到這篇文章下底的留話，彼種無認同的、認為就是愛共囡仔刜刜咧較受教的人就放水流；我感覺較恐怖是彼認為自己無咧修囡仔樹枝，甚至嘛綴咧喝咻袂使按呢剉的大人，事實上做出來的代誌抑是無意識抑是in的提問，心內攏猶是期待囡仔會當變做大人想欲的木雕作品。

今年真正傷無閒，無法度做啥物糕仔餅，干焦會當做簡單的俗麭，就用這粒做予我家己的生日雞卵糕來代表。

邀請逐家：蹛合適的環境、做心適的代誌、過舒適的生活。

落尾，明年（2025年）有需要「罷免」的愛認真「罷」喔～